ياسمين عز للسيدات: برنامجي إجازة شهر.. ولو زعلتي الفرعون هتلاقيني على الهواء تاني يوم

كتب أحمد عبد الحميد
أعلنت الإعلامية ياسمين عز توقف برنامج كلام الناس المذاع على قناة Mbc مصر خلال شهر أغسطس القادم.

وقالت "ياسمين عز"، خلال برنامجها "كلام الناس" على قناة mbc مصر: "شهر أغسطس البرنامج هيبقى إجازة عشان أجهزلك فقرات جديدة مش عشان أصيف زيك يا مدام".

وأضافت: "متزعليش يا مدام ومتاخديش على خاطرك يا آنسة وشوفي الحلقات المعادة قبل متنامي عشان اطلعلك في الأحلام".وتابعت ياسمين عز: "عارفة الموضوع صعب عليكم وما تقدروش على غيابنا وعارفة إنكم هتكونوا مقهورين بس هتترحموا من فلسفتي وخفة دمي طبعا ولكن لو زعلتي الفرعون هتلاقيني على الهواء تاني يوم".

وأشارت ياسمين عز إلى أن حلقات برنامجها ستعاد حتى عودتها مجددًا، لافتة أيضًا إلى أن جميع حلقات البرنامج موجودة عبر منصة شاهد.