أثارت جدلا واسعا.. لماذا تراجعت الفنانة ميرهان حسين عن الاعتزال؟

كتب/مرثا عزيز
تراجعت الممثلة المصرية، ميرهان حسين، عن قرار اعتزالها الذي كانت قد اتخذته خلال الفترة الماضية، موضحة أسباب عدولها عن هذا القرار.

ونشرت ميرهان حسين، مقطع فيديو، عبر حسابها الرسمي على إنستغرام، وكتبت تقول: «شكرًا على الحب والدعم اللي فرح قلبي وعرفني إن حبكم نعمة من ربنا، شكرًا لكل حد منكم بعتلي مسدچ أو حاول يوصلي ويعبرلي عن حب جميل ويحسسني إني ما تعبتش عالفاضي، شكرًا لكل اللي قالوا في حقي كلمة حلوة».

وأضافت: «إن شاء الله هارجع أكون معاكم، وربنا يكتب الخير ليا ولكل الناس.. شكرًا مرة تانية من قلبي».

وخلال مقطع الفيديو، وجهت ميرهان حسين رسالة لجمهورها ومتابعيها، قالت فيها: «أولا وحشتوني جدا، وآسفة بجد إني اختفيت عنكم الفترة دي، بس أنا اختفيت عنكم علشان كنت عايزة أرجع لكم أحسن من الأول، كنت محتاجة بس فترة أبقى فيها أحسن».

وأضافت: «بجد مش عارفة أشكركم إزاي على كلامكم وعلى اهتمامكم وعلى حبكم ليا اللي انا شفته في الفترة دي، عايزة أقول شكرا لكل صحابي وأهلي وزمايلي والناس اللي بتحبني اللي أنا فعلا لولاهم مكنتش هعرف أعدي الأيام اللي فاتت دي، حقيقة أنا كنت في الأيام دي مش في أحسن حالاتي خالص، وبوقفتكم جنبي ودعمكم ليا رجعت أحسن، وإن شاء الله الأيام اللي جاية يا رب تكون الأحلى والأحسن في حياتي».

وتابعت: «بخصوص موضوع اعتزالي فأنا ماكنتش أقصد إني بعتزل الفن، أنا كنت أقصد إني بعتزل السوشيال ميديا، وبعتزل الناس لفترة بس علشان أنا كان عندي إحباط»، مؤكدة: «عديت بفترة كان فيها إحباط جامد بالنسبة لي زي ما أي إنسان ممكن يعدي بفترة يجيله إحباط ويتعب ويكتئب، وبوقفة الناس اللي بيحبوه جنبه بيقدر يعدي الوقت الصعب دا، فأنا فعلا بوقفتكم جنبي وحبكم ليا إن شاء الله قادرة أعدي، وإن شاء الله هبقى أحسن، وبوعدكم الفترة الجاية بحاجات حلوة وميرهان اللي بتحبوها.. بجد شكرا». بيدعمك من قلبه».

وأضافت: «أنتي أد أي شيء، المهم إنك تكوني نفسيا مرتاحة».

وتابعت: «ربنا يسعد قلبك ويديكي الخير».

وكتبت الممثلة دنيا المصري: «يا رب ديما مبسوطة يا روحي».

وكتب الفنان محمد عز: «أيوة كدا».

في مرمى الانتقادات
وبينما رحب الكثير من جمهور ميرهان حسين بقرارها وبعودتها، انتقد بعض متابعيها ما قالته بأنها لم تكن تقصد اعتزال الفن.

ففي تعليق على فيديو ميرهان حسين، كتب حساب باسم منة نبيل الهجرسي: «متقصديش اعتزال الفن، أومال كل الموشح اللي كتبتيه عن الوسط الفني اللي كله شلالية وأصحاب ومصالح بتشغل بعض بس ده كان إيه».

وأضافت: «اعتذري وارجعي لكن متغيريش كلامك».

وشارك منة نبيل الرأي حساب باسم أحمد مادو، اكتفى بإيموجي التصفيق، في إشارة منه إلى اقتناعه بما قيل، وحساب آخر باسم سوما، إذ كتب ردا قال فيه: «عندك حق».لكن زينب مصطفى ردت عليهم بالقول: «أنت ياللي داخل تكتب تعليق وحش هتستفيد لما تأذي شخص وتجرحو بأسلوبك الوحش، أنت ماترضاش على نفسك كده، ليه ترضاه على غيرك، اتق الله».

إعلان الاعتزال
وفي يوم الجمعة 2 يونيو الحالي، أعلنت ميرهان حسين، اعتزالها التمثيل بشكل نهائي.

وكتبت الممثلة المصرية عبر خاصية «ستوري» على حسابها الرسمي بإنستغرام: «تعبت وأشعر بعدم التقدير لشخصي ولموهبتي».

وأضافت: «لم أعتد البقاء في مكان ومع أشخاص لا تقدرني.. تعبت.. لذلك أعتزل».