خرج للعمل وردية تانية على السحور.. قصة ضحية «لقمة العيش» في جبل العياط

كتب عمرو السعيد 

انتهى من عمله بمدينة الإنتاج الإعلامي، ثالث أيام شهر رمضان الكريم، متوجهًا إلى منزله في حي المطرية بالقاهرة، كانت الساعة الـ8:30 مساءً وكان قد انتهى لتوه من وجبة الإفطار وبطريقه للبيت صادفه «زبونين» لاستقلال سيارته الأجرة «تاكسي»، اتصلت عليه أسرته تستعجله القدوم وشراء احتياجات المنزل وقال لهم: «هاجاي بعد شوية»

كانت الرحلة الأخيرة لـ محمد فتحي سالم، عند جبل العياط، حيث اعتدى على مستقلي سيارته واستوليا عليها، ولاذا بالفرار، وحين تجاوزت الساعة منتصف الليل اتصلت عليه أسرته ولم يجب بدأوا رحلة البحث بالمستشفيات دون جدوى، وعقب 24 ساعة حرروا محضرا بتغيبه فاكتشفوا العثور على جثته.

نجل الضحية يروى تفاصيل المأساة: «أبويا موظف ويعمل على (تاكسي) بعد عمله بمدينة الإنتاج، وثالث أيام شهر رمضان خرج للعمل ساعتين قبل السحور ولم يعد حتى الـ9 صباح اليوم التالي وكان هاتفه مغلقًا، لفيت مستشفيات وأقسام الشرطة في مصر، لكن ملوش أي أثر، وجاتلي معلومات إن الخط بتاعه قبل ما يتقفل كان في الفيوم، روحت قسم المطرية التابعين له لتحرير محضر، فقالوا لي لازم يعدي 24 ساعة على غيابه، فقعدت مع رئيس المباحث بتاع المطرية، وقالي عملت إشارة نشرة، وإن شاء الله هنلاقيه هو والعربية، وقالي عدي عليا بعد الفطار»
ياجماعه انا والدي موظف في مدينه الانتاج الاعلامي وعنده تاكس خاص بي تالت يوم رمضان بعد الفطار الساعه ٨ونص طلع يشتغل ساعتين قبل السحور عشان يجيب اكل عيش عيشه وعيش عياله الساعه ١١ كلمناه قال شويه وجاي اتاخر لحد الساعه اتنين نكلموا لقيته تليفونه مقفول لحد الساعه ٩ مجاش وهو كان عنده شغل الصبح وهيبات في شغله لحد تاني يوم اللي هو الحد مرجعش لفيت مستشفيات مصر واقسام مصر ملوش اي اثر وجالي معلومات ان االخط بتاعه قبل ما يتقفل كان في الفيوم روحت قسم المطريه التابع لينا عشان اعمل محضر قال

يكمل كلامه: «لما رجعت البيت لقيت المباحث عندنا وبياخدوا معلومات من أسرتي حولين الموضوع، وروحت الفيوم على مكان اللوكيشن اللي اتبعتلي ولم أعثر على شىء، وبعدها رئيس مباحث المطرية وجهني بالذهاب لمركز شرطة العياط وهناك رئيس المباحث يكون مستنيك، ولما روحت عرفت إن أبويا مقتول وناس رموه في الصحراء، واتقبض عليهم في محافظة المنيا».

يختتم: «عايز القصاص القانوني، وحقي وحق إخواتي منهم»، ومن جانبها أمرت النيابة العامة بحبس عاطلين، 4 أيام على ذمة التحقيقات، لاتهامهما بقتل السائق المجني عليه، لسرقة سيارته في العياط.