زوجة حسن شاكوش تعلق بعد جدل سجودها في الفرح: مفيش حد يقدر يضحك على ربنا

كتب أحمد عبد الحميد
ردت ريم زوجة الفنان حسن شاكوش على الإنتقادات التي تعرضت لها في الفترة الأخيرة بعد سجودها بالفستان في حفل زفافها.وقالت ريم خلال لقائها مع ET بالعربي: أنا مش بسيب ولا فرض ومفيش حد بيضحك على ربنا.. أنا كنت واخدة عهد على نفسي إني أسجد وأشكر ربنا على حسن بعد الفيرست لوك بتاعي.
رضوى الشربيني تهاجم زوجة شاكوش
من جانبه كانت قد علقت الإعلامية رضوى الشربيني على سجدة "ريم طارق" عروسة حسن شاكوش خلال حفل الزفاف، موضحة أنه حصلت ضجة على مواقع التواصل الاجتماعي، بينهم من يصفها بركوب التريند، وأخرين رأوها تعبر عن مشاعرها.

وقالت خلال تقديمها برنامج "هي وبس"، عبر قناة "سي بي سي سفرة"، "ست فرحانة بتعبر عن فرحتها وشعورها، وهي شايفة إن حسن شاكوش الراجل اللي تعمله الحركة دي في الفرح قدام الناس، وصحيح هي حركة أوفر جدا، وآخر حاجة نشوفها لاعيبة يسجدوا لما يجيبوا جون، والعرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش".

وأوضحت رضوى الشربيني، أن كل شخص من حقه أن يعبر عن طريقة فرحته بالطريقة التي تعجبه، وهي رأت أنها الطريقة التي تعبر عن فرحتها لأنها تزوجت حسن شاكوش، مردفة: "مشكلتنا في المنظر دا، وياريت مفيش ولا واحدة تعمله عشان ميبقاش تريند، وكل واحدة نشوف لها صورة ساجدة في الفرح بتحمد ربنا على عريسها".