اللي ممكن يخلي دموع فؤاد المهندس تنزل
كتب /علي عز
=انا الحقيقة دموعي سريعة اوي ، سريع التأثر اوي خصوصا لما يكون فيه في الموضوع طفل او حيـ. ـوان ، اني اشوف طفل صغير بيتألم او منزعج من حاجة او اشوف حيـ. ـوان يتألم دموعي تنزل علطول ، وبعدين كمان لما اشوف ست حامل معرفش بعيط ليه ، بيصعبوا عليا اوي الستات الحوامل
-علاقة حضرتك بالأطفال تطورت بعد فوازير "عمو فؤاد"
=ده انا بقيت اشيل فيشة التليفون مخصوص كل يوم قبل ما انام بسببهم ، كل العيال بيطلبوني يقولولي "عايزين عمو فؤاد" ، معرفش بيجيبوا نمرتي منين .. فيه واد من فترة قطع قلبي ، طلبني في التليفون بليل وهو منهار بيعيط قالي "انا هشام انت مش عارفني يا عمو فؤاد ؟!" ، قلتله "عارفك طبعا ، مالك يا هشام ؟!" .. قالي "ماما مش عايزة تحط التسجيل بتاع عمو فؤاد وعمالة تحط التسجيل بتاع أم كلثوم" ، قلتله "طب اديني ماما يا حبيبي" .. كلمت الست وقلتلها "اعملي معروف حطي تسجيل عمو فؤاد وبلاش تسجيل أم كلثوم" ، قالتلي "يا أستاذ ده حاطط تسجيل الحلقة بتاعة عمو فؤاد من 5 صباحا لحد نص الليل مش عارفين نسمع حاجة جنبه !" .. قلتلها "معلش عشان خاطري عشان الولد يبطل عياط ويبطل يرن على التليفون وعشان انا اعرف انام من فضلك شيلي الست وحطيني ! "
