صوفيا لورين تحكي عن بساطة عمر الشريف

كتب / علي عز 

عارفين ليه ان النجومية والشهرة كانت من نصيب فناني وفنانات مصر في كل مكان وزمان اعني فناني الزمن الجميل ذلك لبساطتهم وتواضعهم في اي مكان يكونوا فيه وحسن معاشرتهم مع الأخرين حضرتك سامع قصة(المسقعة المصري و لا الايطالي) ولا مش سامع ؟!
بتحكي صوفيا لورين في مذكراتها عن موقف لطيف حصل مع الفنان عمر الشريف .. بتقول صوفيا انهم و هما بيصوروا فيلم ( more than a miracle ) سنة 1967
وبعد التصوير راحوا يتغدوا سوا ، فعمر شريف ما عجبوش الاكل فقالها أنا نفسي اوي في طبق (بتنجان) من ايد أمي ، صوفيا قالتله..منه امي بتعمل البتنجان بطريقة أحلى ، قالها لا يمكن دي المسقعة بتاعة أمي مالهاش مثيل نسوان مصر بتعملعا بطريقتهم الخاصة .. الموضوع قلب تحدي ما بينهم و اتفقوا ان عمر يجيب أمه و صوفيا تجيب امها و كل أم تطبخ المسقعة بطريقتها .. و بالفعل كل حد منهم كلم أمه و جات الأمهات ، و بدأ التحدي و كل ام طبخت المسقعة بطريقتها .. و كان فيه لجنة تحكيم زي أي مسابقة طبعاً مش محتاجين نقولكم ان المسقعة المصري هي الي كسبت و ده كان بشهادة صوفيا لورين نفسها ، اللي قالت ان طعم مسقعة ام عمر كانت أجمل  انا بسأل فيه تواضع وبساطة واخلاق وصراحة وبرائة ولطافة في جيل النهاردة زي ماكان عليه الفنانين والفنانات بتاع زمان؟؟؟؟ياترى ترجع الأيام والناس الحلوة الي راحت ولا ماترجعش؟؟؟